काठमाडौं । निरन्तर ओरालो लागेको सेयर बजारमा हरियाली छाएको छ ।
मंगलबार, नेप्से परिसूचक २१.३० अंकले बढेर १९३४.०४ अंक विन्दुमा आइपुगेको छ ।
आज ३१ लाख ४६ हजारको कित्ता सेयर ९२ करोड २५ लाखमा खरिद बिक्री भएको छ ।
त्यस्तै, उपसमूहतर्फ सबै कम्पनीहरुमा हरियाली छाएको छ ।
आज १७२ वटा कम्पनीको सेयर मूल्य बढ्दा १४ वटा कम्पनीको घटेको छ भने ५ वटा कम्पनीको स्थिर अवस्थामा रहेको छ ।
त्यस्तै, बोट्लर्स नेपालको सेयरमा १० प्रतिशतको सकरात्मक सर्किट लागेको छ ।
आज नबिल बैंकको सर्वाधिक सेयर खरिदबिक्री भएको छ । कम्पनीको आज ५ करोड ९४ लाख रुपैयाँ माथिको कारोबार भएको छ ।
त्यसैगरि, रिडी हाइड्रोपावरको ५ करोड ६३ लाख, हिमायलन एभरेष्ट इन्स्योरेन्सको ३ करोड ८४ लाख, अरुण काबेली पावरको ३ करोड ७३ लाख र अपि पावर कम्पनीको २ करोड १७ लाख रुपैयाँमाथिको कारोबार भएको छ ।
