काठमाडौं । सेयर बजारमा गिरावट आउने क्रम जारी रहेको छ ।
बुधबार, नेप्से परिसूचक ११.९७ अंकले घटेर १९३९.८८ अंक विन्दुमा आइपुगेको छ ।
आज २९ लाख ४३ हजारको कित्ता सेयर ८२ करोड ६२ लाखमा खरिद बिक्री भएको छ ।
त्यस्तै, उपसमूहतर्फ म्यूचल फण्ड बाहेक सबै कम्पनीहरुमा राताम्मै देखिएको छ ।
आज ३१ वटा कम्पनीको सेयर मूल्य बढ्दा १४७ वटा कम्पनीको घटेको छ भने १० वटा कम्पनीको स्थिर अवस्थामा रहेको छ ।
आज नेपाल टेलिकमको सर्वाधिक सेयर खरिदबिक्री भएको छ । कम्पनीको आज ५ करोड १५ लाख रुपैयाँ माथिको कारोबार भएको छ ।
त्यसैगरि, हिमालयन एभरेष्ट इन्स्योरेन्सको ४ करोड ६१ लाख, रिडी हाइड्रोपावरको ३ करोड ४ लाख, नेष्डो समृद्ध लघुवित्तको २ करोड ६५ लाख रुपैयाँ नबिल बैंकको २ करोड ५४ लाख रुपैयाँमाथिको कारोबार भएको छ ।
