काठमाडौं । सिडीएस एण्ड क्लियारिङ (सिडीएससी) को सम्पूर्ण सेवाहरु अवरुद्द हुने भएको छ ।
बिहीबार एक सूचना जारी गर्दै आज (भदौ २ गते) साँझ ५ः३० बजेदेखि सिडिएसको सम्पूर्ण सेवाहरु बन्द हुने जानकारी दिएको हो ।
सिडीएससीले सिंहदरबार स्थित राष्ट्रिय सूचना प्रविधि केन्द्रमा रहेको डाटा सेन्टरमा जडान गरेका उपकरणहरू नयाँ सर्भर र्याकमा स्थानान्तरण (र्याक माइग्रेसन) गर्नु पर्ने भएकोले सेवाहरु अवरुद्द हुने जनाएको हो ।
जसअनुसार आज साँझदेखि अधिकतम एक दिन सम्म सिडीएससीले सञ्चालन गरेका मेरो सेयर, सिआस्वा, वेभ सीडीएएस र सीएनएस लगायतका सबै सेवाहरु बन्द हुनेछ ।
