काठमाडौं । नेपाल स्टक एक्सचेन्ज (नेप्से)मा २ वटा कम्पनीको बोनस सेयर सूचीकृत भएको छ। मंगलबार सगरमाथा इन्स्योरेन्स र एनएमबि माइक्रोफाइनान्सको बोनस सेयर नेप्सेमा सूचीकृत भएको हो ।
जसअनुसार, सगरमाथा इन्स्योरेन्सको २० प्रतिशतले हुन आउने २२ लाख २२ हजार ७ सय १५ कित्ता बोनस सेयर नेप्सेमा सूचीकृत भएको हो ।
त्यस्तै, एनएमबि माइक्रोफाइनान्सको २१.५० प्रतिशतले हुन आउने ११ लाख ६० हजार ५ सय ८० दशमलव ३७३८ कित्ता बोनस नेप्सेमा सूचीकृत भएको हो ।
सेयर सम्बन्धित सेयरधनीको डिम्याट खातामा हस्तान्तरण भएपछि खरिद बिक्री गर्न सकिने छ ।
