काठमाडौं । श्वेत गंगा हाइड्रोपावर एण्ड कन्स्ट्रक्सन लिमिटेडले निष्काशन गरेको आईपीओमा पहिलो दिनमै १.८० गुणा बढी आवेदन परेको छ ।
बुधबार ५ः१० बजेसम्ममा ३ लाख ५० हजार ४९८ आवेदनबाट ४० करोड ९२ लाख ४५ हजार रुपैयाँ बराबरको ४० लाख ९२ हजार ४५० कित्ता सेयरको लागि आवेदन परेको सिडिएस एण्ड क्लियरिङले जनाएको हो ।
जुन सर्वसाधारणलाई छुट्टाएको २२ लाख ७० हजार २५ कित्ताको १.८० गुणा बढी हो ।
कम्पनीले जारी पुँजी १ अर्ब ५९ करोड ३० लाख रुपैयाँको १५ प्रतिशतले हुन आउने प्रतिसेयर १०० अंकित मूल्यका २३ लाख ८९ हजार ५०० कित्ता साधारण सेयर निष्काशन गरेको हो । जसमध्ये ५ प्रतिशत अर्थात १ लाख १९ हजार ४७५ कित्ता सेयर सामूहिक लगानी कोषहरुलाई बाँडफाँट गरिनेछ ।
सर्वसाधारणले बाँकी रहने २२ लाख ७० हजार २५ कित्ता साधारया सेयरका लागि आवेदन दिन सक्नेछन् । लगानीकर्ताले न्यूनतम १० कित्ता शेयर खरिदका लागि आवेदन दिनुपर्नेछ भने अधिकतममा १० हजार कित्ताका लागि आवेदन दिन सक्नेछन्।
कम्पनीको सेयरमा पहिलो दिन मै माग भन्दा बढी आवेदन परेकोले साउन ८ गतेसम्म मात्रै आवेदन खुला रहनेछ ।आईपीओमा नेपाल धितोपत्र बोर्डबाट स्वीकृतिप्राप्त गरेका सम्पूर्ण सी-आस्वा सदस्य बैंक तथा वित्तीय संस्था र तिनका शाखा कार्यालयबाट आवेदन दिन सकिनेछ । यसका साथै, मेरोसेयर वेब तथा मोबाइल एपमार्फत पनि आवेदन दिन सकिनेछ ।
कम्पनीको सेयर निष्काशन तथा बिक्री प्रबन्धक सानिमा क्यापिटल लिमिटेड रहेको छ ।
