काठमाडौं । साताको तेस्रो दिन सेयर बजारमा हरियाली छाएको छ ।
मंगलबार, नेप्से परिसूचक ११.६८ अंकले बढेर १९२७.२८ अंक विन्दुमा आइपुगेको छ ।
आज ४९ लाख ६७ हजारको कित्ता सेयर १ अर्ब ७० करोड ७७ लाखमा खरिद बिक्री भएको छ ।
त्यस्तै, उपसमूहतर्फ सबै कम्पनीहरुमा हरियाली देखिएको छ ।
त्यसैगरि, १३० वटा कम्पनीको सेयर मूल्य बढ्दा ४९ वटाको घटेको छ भने १० वटा कम्पनीको स्थिर अवस्थामा रहेको छ ।
आज सप्तकोसी डेभलपमेन्ट बैंकमा ९.३५ प्रतिशतको सर्किट लागेको छ ।
त्यस्तै, आज अरुण काबेली पावरको सर्वाधिक सेयर खरिदबिक्री भएको छ । कम्पनीको आज एकैदिन ७ करोड ९५ लाख रुपैयाँ माथिको कारोबार भएको हो ।
त्यस्तै, गोर्खाज फाइनान्सको ७ करोड ६० लाख, शिवम् सिमेन्ट्सको ७ करोड ४० लाख, युनाइटेड इदि मार्दिको ५ करोड ९३ लाख र हिमालयन डिस्टिलरीको ५ करोड १३ लाख रुपैयाँ भन्दा बढीको कारोबार भएको छ ।
