काठमाडौं । साताको अन्तिम दिन सेयर बजारमा गिरावट आएको छ ।
शुक्रबार, नेप्से परिसूचक ३४.७१ अंकले घटेर १९९२.६१ अंक विन्दुमा आइपुगेको छ ।
आज ३० लाख ६३ हजारको कित्ता सेयर १ अर्ब १६ करोड ८४ लाखमा खरिद बिक्री भएको छ ।
त्यस्तै, उपसमूहतर्फ सबै कम्पनीहरुमा राताम्मै देखिएको छ ।
त्यसैगरि, १४ वटा कम्पनीको सेयर मूल्य बढ्दा १७६ वटाको घटेको छ ।
आज शिवम् सिमेन्ट्सको सर्वाधिक कारोबार भएको छ । कम्पनीको आज ५ करोड ५९ लाख रुपैयाँ माथिको कारोबार भएको हो ।
त्यस्तै, युनाइटेड इदि मार्दीको ३ करोड ९७ लाख, लाइफ इन्स्योरेन्स कर्पोरेशनको ३ करोड ९१ लाख, अरुण काबेली पावरको ३ करोड ७९ लाख र एनटिसीको ३ करोड ७३ लाख रुपैयाँ भन्दा माथिको कारोबार भएको छ ।
