काठमाडौं । साताको चौथो दिन सेयर बजारमा हरियाली छाएको छ ।
बुधबार, नेप्से परिसूचक १३.३३ अंकले बढेर २०४३.९२ अंक विन्दुमा आइपुगेको छ ।
आज ६२ लाख ६३ हजारको कित्ता सेयर २ अर्ब १७ करोड ८६ लाखमा खरिद बिक्री भएको छ ।
त्यस्तै, उपसमूहतर्फ बैंकिङ, नन् लाइफ इन्सोरेन्स र म्यूचल फण्ड बाहेक सबैमा हरियाली छाएको छ ।
त्यसैगरि, १२३ वटा कम्पनीको सेयर मूल्य बढ्दा ५९ वटाको घटेको छ भने १० वटा कम्पनीको स्थिर अवस्थामा रहेको छ ।
आज लाइफ इन्सोरेन्स कर्पोरेसनमा १० प्रतिशत र सिवाईसी लघुवित्तमा ९.९९ प्रतिशतको सर्किट लागेको छ ।
आज सर्वाधिक गुर्खाज फाइनान्सको सेयर खरिदबिक्री भएको छ । कम्पनीको आज ११ करोड ७२ लाख ८० हजार रुपैयाँको कारोबार भएको छ ।
त्यस्तै, लाइफ इन्स्योरेन्स कर्पोरेशनको ११ करोड ५३ लाख, सिभिल बैंकको १० करोड ५४ लाख, हिमालयन डिस्टिलरीको ९ करोड २६ लाख र अपर तामाकोशीको ८ करोड ६९ लाख रुपैयाँ भन्दा माथिको कारोबार भएको छ ।
