काठमाडौं । नेपाल स्टक एक्सचेञ्ज (नेप्से)मा दुई लघुवित्तसहित ३ कम्पनीको बोनस सेयर सूचीकृत भएको छ ।
मंगलबार एभरेष्ट इन्स्योरेनस, समीट लघुवित्त र जनउत्थान सामुदायिक लघुवित्तको बोनस सेयर नेप्सेमा सूचीकृत भएको हो ।
जसअनुसार, एभरेष्ट इन्स्योरेन्सको ६ प्रतिशत दरका ७ लाख १० हजार १६२ कित्ता सेयर सूचीकृत भएको हो ।
समीट लघुवित्तको २५.२८५४ प्रतिशत दरका ९ लाख ९७ हजार कित्ता सेयर सूचीकृत भएको हो ।
त्यस्तै, जनउत्थान सामुदायिक लघुवित्तको २५ प्रतिशत दरका २ लाख ९५ हजार ८१२ कित्ता बोनस सेयर सूचीकृत भएको हो ।
सेयर सम्बन्धित सेयरधनीको डिम्याट खातामा हस्तान्तरण भएपछि खरिद बिक्री गर्न सकिने छ ।
