काठमाडौं । साताको पहिलो दिन नेपाल स्टक एक्सचेञ्ज (नेप्से)मा गिरावट देखिएको छ । आइतबार नेप्से १४.६७ अंकले घटेर २६१६.५८ विन्दुमा आइपुगेको छ । क वर्षका कम्पनीको सूचक सेन्सेटिभ इन्डेक्स ३.०१ अंकले घटेर ४९४.३८ विन्दुमा आइपुगेको छ ।
आज २२४ कम्पनीको सेयर ३५ हजार २१२ पटक कारोबार भएको छ ।
४२ लाख ८७ हजार कित्ता सेयर खरिद बिक्री हुँदा २ अर्ब २७ करोड ४६ लाख रुपैयाँको कारोबार भएको छ ।
५ वटा कम्पनीको सेयर मूल्य ३ प्रतिशतभन्दा बढीले घटेको छ ।
