काठमाडौं । नेष्डो समृद्व लघुवित्तले फागुन ११ गतेदेखि आईपिओ निष्काशन गर्ने भएको छ । कम्पनीले प्रति कित्ता १०० अंकित दरले हुन आउने ८ करोड २८ लाख ७५ हजार बराबरको ८ लाख २८ हजार ७ सय ५० कित्ता सेयर निष्काशन गर्न लागेको हो ।
लघुवित्तले निष्काशन गर्न लागेको ०.५ प्रतिशत अर्थात् १२ हजार ७ सय ५० कित्ता कम्पनीको कर्मचारीको लागि र ५ प्रतिशत अर्थात् ४१ हजार ४ सय ३७ कित्ता सामुहिक लगानी कोषको लागि छुट्याईएको छ ।
त्यसमध्ये, सर्वसाधारणले ७ लाख ७४ हजार ५ सय ६३ कित्ता सेयरको लागि आवेदन दिन सक्ने छन् ।
कम्पनीले सेयर निष्काशनको लागि ग्लोबल आईएमई क्यापिटललाई बिक्रि प्रबन्धक नियुक्त गरेको छ ।
आइपीओमा छिटोमा फागुन १५ गते र ढिलोमा फागुन २५ गतेसम्म आवेदन दिन सकिनेछ ।
लगानीकर्ताले न्युनतम १० कित्ता र अधिकतम १ हजार कित्ताको लागि आवेदन दिन सकिने छ ।
हाल कम्पनीको चुक्ता पुँजी १७ करोड २१ लाख रहेकोमा आईपीओ निष्काशनपछि कम्पनीको चुक्ता पुँजी २५ करोड ५० लाख पुग्ने छ ।
