काठमाडौं । साताको पहिलो दिन सेयर बजार दोहोरो अंकले बढेको छ ।
आइतबार, नेप्से परिसूचक १२.५८ अंकले बढेर २६०१.२१ अंक विन्दुमा आइपुगेको छ ।
आज १ करोड २९ लाख ७८ हजार कित्ता सेयर ६ अर्ब २५ करोड ५४ लाखमा खरिद बिक्री भएको छ ।
त्यस्तै, १७१ वटा कम्पनीको सेयर मूल्य बढ्दा ६८ वटा कम्पनीको घटेको छ भने ४ वटा कम्पनीको स्थिर अवस्थामा रहेको छ ।
त्यसैगरि, एनआरएन इन्फ्रास्ट्रक्चरको सर्वाधिक सेयर खरिदबिक्री भएको छ । कम्पनीको आज २६ करोड ८५ लाख रुपैयाँमाथिको कारोबार भएको छ ।
त्यस्तै, सुपर मदी हाइड्रोपावरको २४ करोड ४५ लाख, सानिमा मिडल तमोर हाइड्रोपावरको १५ करोड १५ लाख , सिन्घु विकास बैंकको १४ करोड ९२ लाख, पोखरा फाइनान्सको १३ करोड ८३ लाख रुपैयाँमाथिको कारोबार भएको छ ।
