काठमाडौं । साताको तेस्रो दिन सेयर बजारमा भारी अंकको गिरावट आएको छ ।
मंगलबार, नेप्से परिसूचक ३३.०८ अंकले घटेर २५७६.५० अंक विन्दुमा आइपुगेको छ ।
आज १ करोड ३१ लाख ७४ हजार कित्ता सेयर ५ अर्ब ६७ करोड ४६ लाखमा खरिद बिक्री भएको छ ।
त्यस्तै, २८ वटा कम्पनीको सेयर मूल्य बढ्दा २१३ वटा कम्पनीको घटेको छ भने ३ वटा कम्पनीको स्थिर अवस्थामा रहेको छ ।
त्यसैगरि, प्रभु बैंकको सर्वाधिक सेयर खरिदबिक्री भएको छ । कम्पनीको आज ३५ करोड ९४ लाख रुपैयाँमाथिको कारोबार भएको छ ।
त्यस्तै, नेपाल फाइनान्सको १७ करोड ८७ लाख, जानकी फाइनान्सको १४ करोड ४५ लाख, एनएलजी इन्स्योरेन्सको १२ करोड २८ लाख, एनआरएन इन्फ्रास्टक्चरको ११ करोड ९४ लाख रुपैयाँमाथिको कारोबार भएको छ ।
