काठमाडौं । नेपाल स्टक एक्सचेन्ज (नेप्से) मा एक हाइड्रोपावरको सेयर मूल्य समायोजन भएको छ । सोमबार, सानिमा माई हाइड्रोपावर लिमिटेडको बोनस सेयरमा मूल्य समायोजन भएको हो ।
जसमा कम्पनीको १० प्रतिशत बोनस सेयरमा मूल्य समायोजन भएको छ । कम्पनीको आजको अन्तिम कारोबार मूल्य ५३७ रुपैयाँलाई आधार मानेर मूल्य समायोजन भएको छ । समायोजन पश्चात कम्पनीको मूल्य ४८८.१८ रुपैयाँ कायम भएको छ ।
योसँगै, अब भोलि मंगलबार समायोजित मूल्यलाई आधार मानेर कम्पनीको कारोबार खुला हुनेछ ।
