काठमाडौं । साताको दोस्रो दिन सेयर बजार दोहोरो अंकले बढेको छ ।
सोमबार, नेप्से परिसूचक २८.९१ अंकले बढेर २६१२.२० अंक विन्दुमा आइपुगेको छ ।
आज ८९ लाख ९० हजार कित्ता सेयर ४ अर्ब ४३ करोडमा खरिद बिक्री भएको छ ।
त्यस्तै, १९४ वटा कम्पनीको सेयर मूल्य बढ्दा ४२ वटा कम्पनीको घटेको छ भने ८ वटा कम्पनीको स्थिर अवस्थामा रहेको छ ।
त्यसैगरि, जानकी फाइनान्सको सर्वाधिक सेयर खरिदबिक्री भएको छ । कम्पनीको आज १८ करोड ८४ लाख रुपैयाँमाथिको कारोबार भएको छ ।
त्यस्तै, जोशी हाइड्रोपावरको ११ करोड ७६ लाख, मोलुङ हाइड्रोपावरको ११ करोड ५९ लाख, सपोर्ट माइक्रोफाइनान्सको ९ करोड ९२ लाख, रिभर फल्स्को ९ करोड ५२ लाख रुपैयाँमाथिको कारोबार भएको छ ।
