काठमाडौं । साताको दोस्रो दिन सेयर बजारमा भारी अंकको गिरावट आएको छ ।
सोमबार, नेप्से परिसूचक ५१.३७ अंकले घटेर २६३०.९१ अंक विन्दुमा आइपुगेको छ ।
आज १ करोड २७ लाख ४६ हजार कित्ता सेयर ५ अर्ब ९३ करोड ५६ लाखमा खरिद बिक्री भएको छ ।
त्यस्तै, १५ वटा कम्पनीको सेयर मूल्य बढ्दा २२७ वटा कम्पनीको घटेको छ भने २ वटा कम्पनीको स्थिर अवस्थामा रहेको छ ।
त्यसैगरि, एनआरएन इन्फ्रास्टकचरको सर्वाधिक सेयर खरिदबिक्री भएको छ । कम्पनीको आज २६ करोड ४५ लाख रुपैयाँमाथिको कारोबार भएको छ ।
त्यस्तै, जोशी हाइड्रोपावरको १८ करोड ८९ लाख, जानकी फाइनान्सको १८ करोड ४९ लाख, हिमालयन रि इन्स्योरेन्सको १५ करोड २३ लाख, नेपाल फाइनान्सको १२ करोड ७५ लाख रुपैयाँमाथिको कारोबार भएको छ ।
