काठमाडौं । साताको तेस्रो दिन सेयर बजार दोहोरो अंकले बढेको छ ।
मंगलबार, नेप्से परिसूचक १७.८० अंकले बढेर २७७५.८५ अंक विन्दुमा आइपुगेको छ ।
आज १ करोड ८१ लाख ६० हजार कित्ता सेयर ८ अर्ब ५२ करोड १० लाखमा खरिद बिक्री भएको छ ।
त्यस्तै, १४२ वटा कम्पनीको सेयर मूल्य बढ्दा ९७ वटा कम्पनीको घटेको छ भने ५ वटा कम्पनीको स्थिर अवस्थामा रहेको छ ।
त्यसैगरि, ङादी ग्रुप पावरको सर्वाधिक सेयर खरिदबिक्री भएको छ । कम्पनीको आज २६ करोड ७४ लाख रुपैयाँमाथिको कारोबार भएको छ ।
त्यस्तै, जानकी फाइनान्सको २६ करोड ५१ लाख, बेष्ट फाइनान्सको २४ करोड ६ लाख, एनआरएन इन्फास्ट्रक्चरको २३ करोड ८७ लाख, एनआईसी एसिया बैंकको १७ करोड २५ लाख रुपैयाँमाथिको कारोबार भएको छ ।
