काठमाडौं । नेपाल स्टक एक्सचेन्ज (नेप्से)मा सोल्टी होटलको सेयर मूल्य समायोजन भएको छ । बुधबार, कम्पनीको बोनस सेयरमा मूल्य समायोजन भएको हो ।
जसमा कम्पनीको १० प्रतिशत बोनस सेयरमा मूल्य समायोजन भएको छ । कम्पनीको आजको अन्तिम कारोबार मूल्य ५७० रुपैयाँलाई आधार मानेर मूल्य समायोजन भएको छ । समायोजन पश्चात कम्पनीको मूल्य ५१८.१८ रुपैयाँ कायम भएको छ ।
योसँगै, अब भोलि बिहीबार समायोजित मूल्यलाई आधार मानेर कम्पनीको कारोबार खुला हुनेछ ।
