काठमाडौं । इंग्ल्यान्डले आईसीसी टी-२० विश्वकप क्रिकेटमा लगातार दोस्रो जित निकालेको छ ।
बंगलादेशलाई इंग्ल्यान्डले बुधबार ८ विकेटले पराजित गरेको हो ।
जितसँगै इंग्ल्यान्डले २ खेलमा ४ अंक जोडेर समूह १ को शीर्ष स्थानमा रहेको छ ।
बंगलादेशको यो लगातार दोस्रो हार हो । अंक विहीन बंगलादेश पाँचौं स्थानमा रहेको छ ।
बंगलादेशले दिएको १ सय २५ रनको लक्ष्य इंग्ल्यान्डले १४ ओभर १ बलमा मात्र २ विकेट गुमाएर पूरा गर्यो ।
इंग्ल्यान्डको जितमा जासन रोयले ६१ रनको अर्धशतकीय इनिङ्स खेले ।
डाविड मालनले अविजित २८ रन जोड्दा जोस बट्लरले १८ रन बनाए ।
जोनी बेयर्सटो ८ रनमा अविजित रहे ।
बंगलादेशका शोरिफुल इस्लाम र नासुम अहमेदले १/१ विकेट लिए ।
यस अघि पहिले ब्याटिङ गरेको बंगलादेशले २० ओभरमा ९ विकेट गुमाएर १ सय २४ रन बनाएको थियो ।
बंगलादेशका मुस्फिकर रहिमले २९ रन जोड्दा कप्तान महमुदउल्लाहले १९ रन बनाए ।
नासुम अहमेद १९ रनमा अविजित रहे । नुरुल हसनले १६ रन जोडे ।
इंग्ल्यान्डका ट्यामल मिल्सले ३ तथा मोइन अलि र लियाम लिभिङस्टोनले २र२ विकेट लिए ।
