काठमाडौं । इंग्लिस प्रिमियर लिग क्लब म्यानचेस्टर युनाइटेड काराबाओ कप फुटबलबाट बाहिरिएको छ । प्रिमियर लिग उपाधि दाबेदार टोली अन्तिम १६ मा पुग्न नपाउँदै बाहिरिएको हो ।
बुधबार राति भएको खेलमा युनाइटेड वेष्टह्यामसँग १-० ले पराजित भएको हो । जितपछि वेष्टह्याम भने अन्तिम १६ मा प्रवेश गरेको छ । वेष्टह्यामको लागि मानुएल लान्जिनीले नवौं मिनेटमा गरेको गोल नै निर्णायक बन्यो ।
वेस्ट ह्यामले अब म्यानचेस्टर सिटीसित खेल्नेछ ।
