संघर्षले सता हुन्छ, संघर्षको कथा हुन्छ
संघर्षलाई थेग्न सकें सफलता नि अथाह हुन्छ ।
जीवन जिउन केही पाउन हरेक क्षण खट्छ मान्छे
सफलता र सुखका लागि पीडासँग लड्छ मान्छे ।
बाहिर हाँसो संघर्षमा भित्र अनेक व्यथा हुन्छ
संघर्षमै हाँस्न सके खुशियाली अथाह हुन्छ ।।
संघर्षले सता हुन्छ………
लक्ष्य भेट्न जिन्दगीको उत्साहलाई बोक्छ मान्छे
आई पर्ने विघ्नबाधा अनेक गरी रोक्छ मान्छे।
संघर्षको मूल्य कति अरूलाई त के थाह हुन्छ
संघर्षमै बाँच्न सके आनन्द नि अथाह हुन्छ।।
संघर्षले सता हुन्छ……….
