काठमाडौं । वाणिज्य बैंकहरुले आफ्ना कर्मचारीको बोनसका लागि ५ अर्ब २५ करोड १७ लाख ८८ हजार रुपैयाँ छुटाएका छन् । बैंकहरुले चालु आर्थिक वर्षको पहिलो ६ महिनामा कर्मचारीको बोनसका लागि ५ अर्ब २५ करोड १७ लाख ८८ हजार रुपैयाँ छुटाएका हु्न् ।
बैंकहरुले आफ्नो दोस्रो त्रैमासिक वित्तीय विवरणको आधारमा कर्मचारीका लागि बोनस छुटाएका हुन् । बोनस ऐनअन्तर्गत रोजगारदाता प्रतिष्ठानले कुन नाफाको १० प्रतिशत बोनस कर्मचारीलाई दिनुपर्ने प्रावधान छ । उक्त प्रावधान अनुसार बैंकहरुले कर्मचारीलाई बोनस वितरण गर्छन् ।
अधिकांश बैंकहरुले कुल नाफाबाट कर्मचारीलाई वितरण गर्नुपर्ने बोनसलाई किस्ता किस्तामा वितरण गर्छन् । केही बैंकहरुले आर्थिक वर्ष समाप्तपछि प्राप्त आम्दानीको आधारमा साउनको दोस्रो साताभित्र र केही बैंकहरुले दशैंमा र वार्षिक साधारणसभामा बोनस वितरण गर्छन ।
चालु आर्थिक वर्षको पहिलो ६ महिनामा २६ वटा बैंकहरुले कर्मचारीको तलबको ४८ प्रतिशतसम्म बोनस छुटाएका छन् । बोनस जोडर १८ महिनासम्मको तलब पाउने भएकाले बैंकको जागिरलाई आकर्षण मान्ने गरिन्छ ।
चालु आवको पहिलो ६ महिनामा स्टाफलाई बोनस दिनेमा प्राइम बैंक शीर्ष स्थानमा रहेको छ । बैंकले २६ करोड ७७ लाख ५० हजार रुपैयाँ बोनस दिएको छ । बैंकको कुल कर्मचारी खर्चको ४८.५ प्रतिशत बोनस हो । बैंकको कर्मचारी खर्च ५५ करोड २२ लाख ७४ हजार रुपैयाँ छ ।
http://६ महिनामा बैंकहरुले कर्मचारीलाई २८ अर्ब तलब दिए, कुन बैंकका कर्मचारीले कति तलब पाए ?
कर्मचारीलाई धेरै बोनस बाँड्नेमा नेपाल इन्भेष्टमेन्ट बैंक दोस्रो स्थानमा रहेको छ । बैंकले ६ महिनाको अवधिमा २५ करोड ७८ लाख २९ हजार रुपैयाँ बोनस बाँडेको छ । बैंकको कुल कर्मचारी खर्च ५७ करोड ३४ लाख ८६ हजार रुपैयाँ छ । बैंकले कर्मचारीको तलबको ४५ प्रतिशत बोनस दिएको छ ।
कर्मचारीलाई धेरै बोनस बाढ्नेमा स्ट्यान्डर्ड चाटर्ड बैंक तेस्रो स्थानमा रहेको छ । बैंकले कुल कर्मचारी तलबको ३९.४ प्रतिशत बोनस बाढेको छ । बैंकले ६ महिनामा १७ करोड २५ लाख रुपैयाँ बोनस दिएको छ । बैंकले कर्मचारीको तलमा ४३ करोड ७३ लाख ५८ हजार रुपैयाँ खर्च गरेको छ ।
ग्लोबल आईएमई बैंकले ३०.३८ प्रतिशत, नबिल बैंकले २९.७ प्रतिशत, सिटिजन्स बैंकले २९.६ प्रतिशत, सानिमा बैंकले २७.३ प्रतिशत, मेगा बैंकले २६.८ प्रतिशत, एनएमबी बैंकले २६.४ प्रतिशत र एनआईसी एसिया बैंकले २५.७ प्रतिशत बोनस कर्मचारीलाई दिएका छन् ।
बैंकहरुको ६ महिनाको वित्तीय विवरण अनुसार कुमारी बैंकका कर्मचारीले सबैभन्दा कम बोनस पाउने देखिएको छ । बैंकका कर्मचारीले कुल तलबको १३.६ प्रतिशत बोनस पाउने छन् ।
यस्तो बैंकका कर्मचारीको बोनस दर
| Bank | Bonus | Staff Expenses | Bonus/Staff Expenses | Rank |
| Prime | 267,750 | 552,274 | 48.5% | 1 |
| Nepal Investment | 257,829 | 573,486 | 45.0% | 2 |
| Standard Chartered | 172,503 | 437,358 | 39.4% | 3 |
| Global IME | 408,887 | 1,328,543 | 30.8% | 4 |
| Nabil | 346,302 | 1,166,845 | 29.7% | 5 |
| Citizens | 195,196 | 658,347 | 29.6% | 6 |
| Sanima | 168,136 | 616,218 | 27.3% | 7 |
| Mega | 222,572 | 830,088 | 26.8% | 8 |
| NMB | 269,377 | 1,021,020 | 26.4% | 9 |
| NIC Asia | 381,280 | 1,485,705 | 25.7% | 10 |
| Century | 114,629 | 468,621 | 24.5% | 11 |
| Nepal Credit & Commerce | 140,757 | 595,546 | 23.6% | 12 |
| Rastriya Banijya Bank | 304,683 | 1,308,695 | 23.3% | 13 |
| Nepal Bangladesh | 118,795 | 510,273 | 23.3% | 14 |
| Siddhartha | 252,404 | 1,105,173 | 22.8% | 15 |
| Laxmi | 125,805 | 624,541 | 20.1% | 16 |
| Machhapuchchre | 160,449 | 820,689 | 19.6% | 17 |
| Bank of Kathmandu | 110,841 | 602,644 | 18.4% | 18 |
| Agricultural Dev | 231,901 | 1,269,893 | 18.3% | 19 |
| Nepal SBI | 124,251 | 681,385 | 18.2% | 20 |
| Everest | 133,162 | 734,375 | 18.1% | 21 |
| Nepal Bank | 187,328 | 1,112,007 | 16.8% | 22 |
| Prabhu | 204,584 | 1,260,465 | 16.2% | 23 |
| Sunrise | 118,378 | 751,886 | 15.7% | 24 |
| Civil | 81,359 | 581,546 | 14.0% | 25 |
| Kumari | 152,629 | 1,118,618 | 13.6% | 26 |
| Himalayan | – | – | #N/A | |
| Total | 5,251,788 | 22,216,242 | 23.6% |
