काठमाडौं । नेपालमा चलिरहेका ७०० होन्डा कारमा एयरब्यागमा समस्या देखिएको छ । नेपालमा होन्डा कारको आधिकारिक वितरक स्याकार ट्रेडिङ कम्पनीले होन्डाका निश्चित मोडलहरूमा एयरब्यागमा समस्या देखिएको बताएको छ ।
एयरब्यागमा समस्या देखिएपछि कम्पनीले ती एयरब्यागहरु परिवर्तन गर्ने योजना बनाएको छ ।
सन् २००१ र २०१४ को बीचमा नेपालमा बिक्री भएका सिटी, सिभिक, सीआरभी, ज्याज, इनसाइट, स्ट्रिम र एकर्ड कारहरूको टकाटा एयरब्यागहरू फिर्ता गरिने छ।
यी मोडलहरूमा एयरब्यागहरू निःशुल्क परिवर्तन गरिने होन्डा कारका सर्भिस म्यानेजर बिनम श्रेष्ठले बताए ।