काठमाडौं । एयर डाइनेस्टीको हेलिकप्टर दुर्घटनामा परि पाँच जनाको मृत्यु भएको छ । आज दिउँसो एयर डाइनेस्टीको हेलिकप्टर नुवाकोटको शिवपुरीमा दुर्घटनामा परि पाँच जनाको मृत्यु भएको हो ।
हेलिकप्टरमा पाँच जना सवार रहेका थिए । पाँच जना मध्ये चार जना चिनियाँ नागरिक रहेको प्रहरीले जनाएको छ ।
हेलिकप्टर क्याप्टेन अरुण मल्लले उडाएका थिए ।
चिनियाँ पर्यटकमा जुदाड टाङ , जी लि , यियाद वु र जेमिङ सी रहेका थिए ।
उक्त दर्घटनामा हेलिकप्टरमा क्याप्टेनसहित पाँच जनाको मृत्यु भएको हो ।
आज दिउँसो १ः५४ बजे भक्तपुरको नलिनचोकबाट रसुवाको स्याँफ्रुबेसीका लागि उडान भरेको उक्त हेलिकप्टर तीन मिनेटपछि सम्पर्कबिहीन भएको नेपाल नागरिक उड्डयन प्राधिकरण (क्यान) का सूचना अधिकारी ज्ञानेन्द्र भूलले जानकारी दिए ।
दिउँसो २ः१४ बजे नुवाकोटको शिवपुरी गाउँपालिका–७ सूर्यचौर क्षेत्रमा हेलिकप्टर दुर्घटना भएको थियो ।
