काठमाडौं । त्रिभुवन अन्तर्राष्ट्रिय विमानस्थल आधाघण्टा बन्द हुने भएको छ ।
नेपाल नागरिक उड्डयन प्राधिकरणले एक सूचना जारी गर्दै आज दिउँसो १ बजेदेखि साढे १ बजेसम्म विमानस्थलको नियमित उडान अवतरण प्रभावित हुने जनाएको हो ।
हवाई उडान तथा सुरक्षा र मेडिकल एवं उद्धारसँग सम्बद्ध विभिन्न निकायहरुको सहभागितामा विमानस्थल संकटकालीन योजना अनुसार गरिने विभिन्न अभ्यासहरु मध्ये एयरक्राफ्ट एक्सिडेन्ट इन एयरपोर्ट सम्बन्धि पूर्णकालिन अभ्यास गरिने भएको छ ।
अभ्यासको सिलसिलामा विमानस्थल वरिपरिको आकाशमा कालो धुवाँका साथै दमकल, सुरक्षाकर्मी, एम्बुलेन्स तथा अन्य गतिविधिमा तिव्रता आएको पनि देख्न सकिने क्यानले जनाएको छ ।
