काठमाडौं । महिनावारी भएको समयमा महिला ट्राफिक प्रहरीहरुले सडकमा ड्युटी गर्न नपर्ने भएको छ ।
गृहमन्त्री रवि लामिछानेले सामाजिक सन्जालमार्फत् गणतन्त्र दिवसको अवसरमा सानो प्रयास गरिएको भन्दै महिला ट्राफिक प्रहरीहरुले महिनावारी भएको बेला ४ दिन सडकमा ड्युटी गर्न नपर्ने जानकारी गराएका हुन् ।
गृहमन्त्री रवि लामिछानेले महिला ट्राफिक प्रहरीहरुको साटो मापसे गरी ट्राफिक नियम उल्लंघन गर्नेहरुले स्वयंसेवकको रुपमा सडकमा सघाउने बताएका छन् ।
गृहमन्त्री लामिछानेले लेखेका छन्, ‘अबदेखि महिला ट्राफिक प्रहरीहरुले महिनावारीका ४ दिन सडकमा ड्युटी गर्नु पर्दैन, मापसे लगायत ट्राफिक नियमको उलंघन गर्नेहरुले स्वयम् सेवकका रुपमा उहाँहरुको साटो सडकमा सघाउनुहुनेछ ।’
