काठमाडौं । प्रतिष्ठित गीतकार तथा नेपाल राष्ट्र बैंकका पूर्व डेपुटी गभर्नर तथा हाल नेपाल राष्ट्र बैंकका संचालक समितिका सदस्य चिन्तामणी सिवाकोटीद्वारा रचना गरिएको रिटिङ रिटिङमा बोलको गीतको म्युजिक भिडियो रिलिज भएको छ ।
दिपक लिम्बु र वेनीशा पौडेलको युगल स्वर रहेको गीतमा संगीत दीपक शर्मा , एरेन्ज नरेन्द्र वियोगी रेकर्डिस राजेश थापा र मास्टरिङ किशोर थापाको रहेको छ भने गीत ए वान म्यूजिसियन स्टुडियोमा रेकर्डिङ भएको थियो ।
म्युजिक भिडियोमा चर्चित कलाकार जोडी गरिमा शर्मा र विमल अधिकारीको राम्रो अभिनय हेर्न सकिन्छ । अहिले बजारमा एकदमै चर्चित गीत यहि त होनी मायाँ पछि यही जोडीलाई लिएर म्युजिक भिडियो बनेकोमा गीत संगीत क्षेत्रका सरोकार वालाहरुबाट निर्देशक कृष्णदेव रुपाखेतीलाई धन्यवाद तथा म्युजिक भिडियो गुणस्तर उच्च स्तरको रहेको प्रारम्भिक प्रतिक्रिया प्राप्त भएका छन् ।
चर्चित कोरियोग्राफर काजिस श्रेष्ठको कोरियोग्राफी उत्सव दाहालको छायांकन रहेको यश भिडियोकने सम्पादन तथा कलर विनोद वम, मेकअप नन्दा अधिकारी, सहायक कोरियोग्राफर प्रशान्त मगरको रहेको छ भने निर्देशनमा अहिलेका एकदमै व्यस्त प्रतिष्ठीत निर्देशक कृष्णदेव रुपाखेतीको रहेको छ ।
काभ्रेको पाँच खालमा हालै छायांकन गरिएको यो म्युजिक भिडियो अव्वल भएकोमा गीतकार चिन्तामणी सिवाकोटी एकदमै खुशी हुँदै निर्देशक लगायत सम्पूर्ण टीमलाई धन्यवाद दिएका छन् ।
नेपाली ग्रामीण जनजीवनको जीवन्त कथा वस्तु र स्थानीय परिवेशलाई समेटिएको यस म्युजिक भिडियो मार्फत आन्तरिक पर्यटन प्रवर्द्धनमा योगदान पुग्न सक्ने विश्वास गीतकार सिवाकोटीले लिएका छन् ।
मौलिक नेपाली लोक लयमा तयार भएको यो म्युजिक भिडियो चिन्तामणी सिवाकोटी युटुब च्यानलमा उपलब्ध छ।
