काठमाडों । चौधरी ग्रुप (सीजी) द्वारा ललितपुर भैंसेपाटीमा सञ्चालित सीजी फुड पार्कमा अज्ञात समूहले आक्रमण गरेको छ ।
आज अपराह्न ३ बजे बा ४ ख १०८५ नम्बरको बसमा आएको अज्ञात समूहले सीजी फुड पार्कमा तोडफोड गरेका हुन् ।
तोडफोड गर्ने १७ महिला र ५ पुरुषलाई पक्राउ गरिएको जिल्ला प्रहरी परिसर ललितपुरका एसपी नरेशराज सुवेदीले जानकारी दिए ।
प्रहरीले बस चालक र सहचालकलाई समेत पक्राउ गरेको छ ।
उनीहरुले पार्कमा कार्यरत कर्मचारीमाथि हातपात तथा भौतिक सम्पत्ति तोडफोड गरेको सीजीले जनाएको छ ।
