काठमाडौं । डिश मिडिया नेटवर्कको प्रमुख कार्यकारी अधिकृत (सीईओ)मा तारा मानन्धर नियुक्त भएका छन्। उनले आज वैशाख ३ गतेदेखि नै उक्त मिडियाको कार्यभार सम्हालेका छन् ।
मानन्धरले डिश मिडिया नेटवर्कको कार्यभार सम्हालेर व्यवस्थापनलाई सुदृढ बनाउँदै कम्पनीले प्रदान गरिरहेको विभिन्न सेवाहरुलाई थप गुणस्तरिय बनाउन प्रमुख भुमिका खेल्ने विश्वास लिएको कम्पनीले जनाएको छ ।
उनीसँग विभिन्न वाणिज्य बैंक र विकास बैंकको उच्च तहमा रहेर काम गरेको अनुभव छ । पछिल्लो समय उनी युएईको मस्रेक बैंकको लागि नेपालको नायब प्रतिनिधि थिए। त्यस अघि उनी प्राइम कमर्शियल बैंक, मुक्तिनाथ विकास बैंक, तथा प्रभु बैंकको उच्च तहमा थिए ।
उनले त्रिभुवन विश्वविद्यालयबाट एमबीए गरेका छन् । उनले पोखरा कै पीएन क्याम्पसबाट ब्याचलर्स गरेका हुन् । स्याङ्जाको पिताम्बर माविबाट एसएलसी दिएका उनले आईकम पनि पोखरा मै गरेका हुन् ।
