काठमाडौं । आजदेखि नेपालीहरुको नयाँ वर्ष २०८१ शुभारम्भ भएको छ । नयाँ वर्षको अवसरमा आम जनमानसले आपसमा सद्भाव, मित्रतासाथ शुभकामना आदान प्रदान गरेर भव्य रुपमा मनाइरहेका छन् ।
घर घडेरी तथा रियल स्टेटको व्यापार माथि उठ्न सक्ने छैन् । सेयर बजार औसत अवस्थाबाट अघि बढ्ने छ । सुन चाँदीको भाउ बृद्धि हुने छ भने यसको व्यापारमा पनि बृद्धि हुने छ । मानिसहरुमा उपभोगवादी विचारले प्रधानता पाउने छ ।
शैक्षिक क्षेत्रको व्यापार, शैक्षिक सामग्रीको कारोवार आदीमा बृद्धि हुने छ । विशेषगरी अध्ययनका लागि विदेशीनेहरुको संख्यामा उच्च बृद्धि हुने छ । वैदेशिक रोजगारीका लागि नेपाल र नेपाल जस्ता देशबाट विकसित देशहरुमा जाने क्रममा बृद्धि देखिने छ ।
यस वर्ष पनि व्यापार व्यवसायको क्रम सुस्त गतिमा नै अघि बढ्ने छ । फेसन डिजाइनिङ्ग, सौन्दर्य प्रशाधन, मधुमेह, यौन रोग र यस सम्बन्धी औषधी लगायतका क्षेत्रको व्यापार भने राम्रो रहने छ ।
आप्रवासनको क्रममा तिब्रता आउने छ । सर्वसाधारणमा मानसिक दवाव र तनावको अवस्थामा भारी बृद्धि हुने छ । हिंसात्मक सोच बढ्ने र यसले समाजमा शान्तिपूर्ण माध्यम भन्दा भनाभन तथा कडापनाको मात्राले स्थान पाउने छ ।
यस वर्ष रोगव्याधीको क्रम बढ्ने छ भने विशेषगरी हृदय, मुटु, रक्त तथा मांसपेशी तथा क्यान्सर जस्ता रोगव्याधीले पीडित बन्ने स्थिति रहने छ । मानसिक रोग, डिप्रेसन, एन्जाइटी, चिटचिटाहट, अस्थिरताको अनुभूति जस्ता मानसिक अवस्थाले सर्वसाधारण पीडित बन्ने छन् । दाम्पत्य जीवनमा कलह आदीले पारपाचुकेका क्रममा यस बर्ष थप बृद्धि हुने देखिन्छ । छालाजन्य एलर्जी तथा रोग व्याधीबाट ग्रसित हुने अवस्था बढ्ने छ ।
सूचना प्रविधि, खोज अनुसन्धान, वैज्ञानिक खोज, सवारीसाधन क्षेत्रमा नवप्रवद्र्धन जस्ता क्षेत्रमा नयाँ नयाँ खोज हुने छ । यस क्षेत्रको आर्थिक गतिबिधीमा तिब्रता आउने छ । व्यक्तिहरूमा धार्मिक तथा आध्यात्मिक क्षेत्र प्रतिको आस्थामा केही बृद्धि हुने छ ।
धार्मिक कार्यक्रममा तिब्रता आउने छ भने दान दातव्यका क्रममा केही सकारात्मक सोच आउन जाने छ । धार्मिक कट्टरतामा भने केही अस्वाभाविक तिब्रता आउने छ । बौद्धिक क्षेत्रमा चलायमान आउने छ तर उक्त क्षेत्रको निष्ठामा भने कमि नै रहने छ । खोज अनुसन्धानका क्षेत्रमा प्रगति हुने छ ।
सर्वसाधारण आर्थिक कठिनाई र असन्तुलनबाट गुज्रने छन् । रोजगारी गुम्ने डर र जीवन जीउने संघर्षको दबाबमा धेरैको जीवन कठिनाईको चक्रबाट गुज्रने संख्या बढ्ने छ । उद्योग व्यवसाय क्षेत्रमा पनि मन्दिको अवस्था विद्यमान रहने छ ।
तिथिका हिसाबले आज नयाँ वर्षको आरम्भ चैत्र शुक्ल पक्षमा परेको छ । यस वर्ष राजका रुपमा मंगल रहेका छन् भने मन्त्रीका रुपमा शनि रहेका छन् ।
असाध्यै कडा प्रकृतिका क्रूर ग्रहहरूको परस्पर ऊर्जा टकरावको प्रभावले नयाँ वर्ष २०८१ मा शक्ति संघर्षको अवस्था थप चर्किने छ ।
राजनीतिक हिसाबले यस वर्ष विश्वमा युद्धको क्रम अझ बढ्ने देखिन्छ । हिंसात्मक र क्रूरताको मात्रामा वृद्धि हुने छ । कूटनीतिक सम्बन्धहरूमा तिक्तता आउने र यसले केही बलिया राष्ट्रहरू संघर्षको तानातानबाट अघि बढ्ने छन् ।
पेट्रोलियम पदार्थको भाउको दबाब कायम रहने छ । राष्ट्र प्रमुख र सरकार प्रमुखका बीचमा एक खालको खाडल देखा परि यसले राजनीतिक संघर्षको अवस्था निम्त्याउने छ । जसरी पनि राजनीतिक पावर लिनै पर्ने होडबाजी देखिने छ ।
विश्वमा द्वन्द्वात्मक अवस्था चर्किने तथा बल प्रयोगका लागि सेना परिचालन तथा हतियारबद्ध गतिविधिहरूको सक्रियता बढ्ने छ । आपराधिक गतिविधिमा तीव्रता आउने छ ।
सेनाको दवदवा र हतियारको प्रभावको बल बढ्ने छ । हतियारको व्यापारमा तिब्रता आउने छ भने हत्या हिंसा जस्ता खुन खरावाका क्रममा तीब्रता आउने छ । कतिपय देशमा सेनाले सत्ता हत्याउने क्रम यस वर्ष हुने छ । राजनीतिक आरोप प्रत्यारोपको क्रममा बृद्धि हुने छ भने राजनेताको बोली हल्का बन्ने हुँदा विश्वासको अभाव हुन जाने छ ।
यस्तो प्रधानमन्त्रीदेखि पूर्व राजासम्मको शुभकामना
आजदेखि नेपालीहरुको नयाँ वर्ष २०८१ सुरु भएको छ । नयाँ वर्षको अवसरमा आम जनमानसले आपसमा सद्भाव, मित्रतासाथ शुभकामना आदान प्रदान गरेर भव्य रुपमा मनाइरहेका छन् ।
नेपालमा मात्र नभई विदेशमा रहेका नेपालीहरुले समेत नयाँ वर्ष २०८१ को भव्य रुपमा स्वागत गर्दै मनाइरहेका छन् । नयाँ वर्षकै अवसरमा प्रधानमन्त्री प्रचण्ड, राष्ट्रपति रामचन्द्र पौडेललगायतले देशबासी नेपालीहरुलाई शुभकामना सन्देश दिएका छन् । त्यस्तै, पूर्व राजा ज्ञानेन्द्र शाह, पूर्व राष्ट्रपति विद्यादेवी भण्डारी तथा डा.रामवरण यादवले पनि शुभकामना सन्देश दिएका छन् ।
नयाँ वर्षकै सन्दर्भमा उपराष्ट्रपति रामसहाय प्रसाद यादव, सभामुख देवराज घिमिरे, राष्ट्रिय सभा अध्यक्ष नारायण दाहाल, प्रधानन्याधीश विश्वम्भर प्रसाद श्रेष्ठ, उपप्रधानमन्त्री तथा रास्वपाका अध्यक्ष रवि लामिछाने, एमालेका अध्यक्ष केपी शर्मा ओली र नेपाली कांग्रेसका सभापति शेर बहादुर देउवाले पनि शुभकामना सन्देश दिएका छन् ।
