काठमाडौं । शिव मनि ट्रान्सफरका सञ्चालकमाथि गोली प्रहार भएको छ । शिव मनि ट्रान्सफरका सञ्चालक २६ वर्षीय नितेश साहमाथि रौतहटमा गोली चलेको हो ।
घाइतेलाई उपचारका लागि वीरगञ्ज पठाइएको छ ।
जिल्ला प्रहरी कार्यालय रौतहटले गोली चलाउने समूहका तीन जनालाई पक्राउ गरेको छ ।
पक्राउ परेकाहरुको साथबाट हतियार समेत बरामद भएको छ । लुटेराको समूहले लुटपाट गर्ने उदेश्य गोली चलाएको प्रहरीले जनाएको छ ।
घटनाबारे विस्तृत अनुसन्धान हुन बाँकी रहेको जिल्ला प्रहरी कार्यालय रौतहटले जनाएको छ ।
