काठमाडौं । पाल्पामा जीप दुर्घटना हुँदा ८ जनाको मृत्यु भएको छ । मंगलबार यात्रुबाहक जीप अपराह्न साढे ४ बजे दुर्घटना हुँदा ८ जनाको मृत्यु भएको हो।
तिनाउ गाउँपालिका–६, चिदीमा लु १ ज २३७१ नम्बरको जीप दुर्घटना भएको प्रहरीले जनाएको हो ।
डुम्रेबाट चिदिसातर्फ जाँदै गरेको जीप सडकबाट अन्दाजी ३ सय मिटर तल खसेको प्रहरीले जनाएको छ ।
प्रहरीका अनुसार जीपमा १५ जना यात्रु सवार थिए । जीप दुर्घटनाको कारण भने खुलेको छैन ।
