काठमाडौं । आज सुनको मूल्य बढेको छ । नेपाल सुन–चाँदी व्यवसायी महासंघका अनुसार मंगलबार छापावाल सुनको मूल्य प्रतितोला ६ सय रुपैयाँले बढेर १ लाख २० हजार ५ सयमा कारोबार भएको छ ।
यसैगरी, तेजावी सुनको मूल्य तोलाको १ लाख १९ हजार ९०० रुपैयाँमा कारोबार भएको छ । सोमबार छापावाल सुन तोलाको १ लाख १९ हजार ९०० रुपैयाँमा कारोबार भएको थियो । यसैगरी, तेजावी सुनको प्रतितोला १ लाख १९ हजार ३५० रुपैयाँमा किनबेच भएको थियो ।
आज चाँदीको भाउ पनि प्रतितोला १० रुपैयाँले बढेर १४ सय ८५ रुपैयाँ कायम भएको व्यवसायी महासंघले जनाएको छ ।
