काठमाडौं । आज देखि नेपालीहरुको महान चाड वडा दशैं सुरु भएको छ । दशैं सुरु भएसँगै आज असोज २८ गते घटस्थापनाको दिन सुनको मूल्य भारी मात्राले बढेको छ ।
आइतबार छापावाल सुनको मूल्य २९ सय रूपैयाँले बढेको हो ।
शुक्रबार, छापावाल सुनको मूल्य प्रतितोला १ लाख १० हजार १ सय रुपैयाँ कायम भएकोमा आज २ हजार ९ सय रूपैयाँले बढेर १ लाख १३ हजार रूपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुनको मूल्य प्रतितोला १ लाख १२ हजार ४ सय ५० रुपैयाँ कायम भएको छ ।
त्यसैगरी, शुक्रबार चाँदीको मूल्य प्रतितोला १३ सय ४५ रुपैयाँ कायम भएकोमा आज ४५ रूपैयाँले बढेर १३ सय ९० रूपैयाँ कायम भएको छ ।
