काठमाडौं । दशैंपछिको पहिलो दिनमै छापावाल सुनको मूल्य प्रतितोला ७ सय रुपैयाँले बढेको छ ।
असोज २५ गते छापावाला सुनको मूल्य प्रतितोला ९० हजार ६ सय रुपैयाँ कायम भएकोमा आज पहिलो दिनमै प्रतितोला ७ सय रुपैयाँले बढेर ९१ हजार ३ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुनको मूल्य प्रतितोला ९० हजार ८ सय रुपैयाँ कायम भएको छ ।
त्यसैगरी, असोज २५ गते चाँदीको मूल्य प्रतितोला ११ सय ८० रुपैयाँ कायम भएकोमा आज ४५ रुपैयाँ बढेर १२ सय २५ रुपैयाँ कायम भएको छ ।
