काठमाडौं । डिस मिडिया नेटवर्क लिमिटेडले आफ्नो ग्राहकका लागि सुलभ मूल्यमा इन्टरनेट र इन्टरटेन्मेन्ट एकै ठाउँमा पाउन सकिने प्याकेज ल्याएको छ।
अब डिसहोमको नयाँ तथा पुरानो ग्राहकले मासिक मात्र १०० रूपैयाँमा डिसहोमको टीभी हेर्न पाउनेछन्। डिसहोम फाइबरनेटको नयाँ जडानमा डिसहोम टीभीको कनेक्सन गरी यो अफरको लाभ उठाउन सकिनेछ।
यस्तै यो अफरको लाभ पहिलेदेखि डिसहोम टीभीमात्र प्रयोग गरिरहेका ग्राहकले फाइबर नेटको कनेक्सन लिएर लिन सक्नेछन्।
कम्पनीले ल्याएको यो अफरमा उच्च गतिको इन्टरनेटसँगै ६० भन्दा वढी एचडी च्यानलसहित २०० भन्दा माथि उच्च पिक्चर क्वलिटीको टीभी सुलभ मूल्यमा ग्राहकले हेर्न सक्नेछन्। यो अफरका बारेमा थप जानकारी चाहिएमा ०१–५९७०३६५ मा सम्पर्क गरी प्राप्त गर्न सकिन्छ।
