काठमाडौं । भारतबाट पेट्रोलियम पदार्थको मूल्य बढेर आएको छ । भारतीय आयल कर्पोरेसन (आईओसी)ले नेपाल आयल निगमलाई पेट्रोलियम पदार्थको मूल्य बढाएर पठाएको हो ।
जसअनुसार, पेट्रोलको मूल्य प्रतिलिटर ७.८७ रूपैयाँ र डिजेल प्रतिलिटर ६.६१ रूपैयाँले बढेर आएको छ ।
त्यस्तै, मट्टीतेल प्रतिलिटर साढे ७ रुपैयाँ र हवाई इन्धनमा ८ रुपैयाँले बढेर आएको छ।
आईओसीले ग्यासको मूल्य भने प्रतिसिलिन्डर करिब १०० रुपैयाँ घटाएर पठाएको छ।
आईओसीले हरेक १५/१५ दिनमा नयाँ मूल्यसूची पठाउने गरेको छ ।
सोही मूल्यको आधारमा निगमले उपभोक्ता मूल्य तोक्नेछ ।
हाल, काठमाडौंमा पेट्रोलको मूल्य प्रतिलिटर १६४ रुपैयाँ र डिजेलको मूल्य प्रतिलिटर १४६ रुपैयाँ कायम रहेको छ ।
