काठमाडौं । स्वतन्त्र उर्जा उत्पादकहरुको संस्था नेपाल (इप्पान) को नयाँ नेतृत्वका लागि गणेश कार्की नेतृत्वको कार्यसमितिको उम्मेदवारहरु घोषणा भएको छ । सोमबार काठमाडौंमा आयोजित पत्रकार सम्मेलनमा कार्कीले आफ्नो प्यानलसहित अध्यक्षमा उम्मेदवारी घोषणा गरेका हुन् ।
उक्त कार्यक्रममा अध्यक्ष गणेश कार्की, वरिष्ठ उपाध्यक्ष मोहन कुमार डाँगी, उपाध्यक्षहरु आशिष गर्ग, भरतबहादु खत्री, रामप्रसाद आचार्य, आनन्द चौधरी र उत्तम ब्लोन लामाको उम्मेदवारी घोषणा भएको छ । त्यस्तै महासचिवमा बलराम खतिवडा, उपमहासचिवमा प्रकाशचन्द्र दुलाल, सचिवहरुमा भरत खड्का ,विक्रम विष्ट, कविता पोखरेल, भरत नेपाल रहेका छन् । कोषाध्यक्षमा नरेन्द्र वल्लभ पन्तको उम्मेदवारी घोषणा गरिएको छ ।
इप्पानमा २५ सदस्यीय कार्यसमिति छ । कार्यसमितिमा अध्यक्ष, वरिष्ठ उपाध्यक्ष, उपाध्यक्ष ५ जना, महासचिव, उपमहासचिव, सचिव ५ जना, कोषाध्यक्ष १ जना र बाँकी १० जना सदस्य रहन्छन् ।
इप्पानको निर्वाचन जेठ ३२ गते हुँदैछ ।
