काठमाडौं । प्रहरीले सिनामंगल स्थित शम्भु मार्गमा लागुऔषध कारोबारीलाई नियन्त्रणमा लिने क्रममा गोली चलाएको छ ।
काठमाडौंमा लागुऔषध ओसारपसारमा संलग्न गिरोह पक्राउ गर्ने क्रममा प्रहरीले गोली चलाएको हो ।
लागू औषधका कारोबारीलाई नियन्त्रणमा लिने क्रममा प्रहरीमाथि गोली चलाएपछि प्रहरी जवाफी फायरिङ गरेको हो ।
लागूऔषध नियन्त्रण ब्यूरोको टोलीले ओसार पसारमा संलग्नको आशंकामा पक्राउ गर्ने क्रममा विकास भगतमाथि गोली चलाएको हो ।
प्रहरीको गोली लागेर घाइते भएका भगतको काठमाडौं मेडिकल कलेजमा उपचार भइरहेको छ ।
ठूलो मात्रामा लागूऔषध ओसारपसार गरेको आशंकामा ब्यूरोबाट प्रहरी निरीक्षकको टोलीले भगतलाई पछ्याएको थियो । पछ्याउने क्रममा भगतले प्रहरीमाथि आक्रमण गरेपछि प्रहरीले जवाफी फायरिङ गरेको हो ।
प्रहरीले निजको साथबाट १०० ग्राम लागू औषध नियन्त्रणमा लिएको जनाएको छ ।
