काठमाडौं । वर्ल्डलिंक कम्युनिकेसन्स लिमिटेडले महानगरीय ट्राफिक प्रहरी महाशाखलाई इलेक्ट्रिक स्कुटर हस्तान्तरण गरेको छ । कम्पनीले ट्राफिक प्रहरीको काममा सहयोग पुग्ने विश्वासका साथ उपहारस्वरूप इलेक्ट्रिक स्कुटर प्रधान गरेको हो ।
बुधबार कम्पनीका कार्यकारी निर्देशक मनोज अग्रवालले ट्राफिक प्रहरी महाशाखा प्रमुख जनक भट्टराई उक्त स्कुटर हस्तान्तरण गरेका हुन् ।
ट्राफिक प्रहरीले महिला तथा अपाङ्ग आरक्षण सिटको प्रयोग र भाडा चेक जाँचका लागि उक्त स्कुटर प्रयोगमा ल्याउनेछ । ट्राफिक प्रहरीको आवश्यकतालाई मध्यनजर गर्दै वर्ल्डलिंकले यस किसिमको सहयोग उपलब्ध गराएको कम्पनीले जनाएको छ ।
ट्राफिक साइरन जडित यो जापानिज स्कुटर एक पटकको चार्जमा १०० किलोमिटरसम्म गुड्न सक्ने जनाइएको छ ।
