काठमाडौं । बारा–२ मा जनमत पार्टीका शिवचन्द्र कुशवाह जनता समाजवादी पार्टीका उपेन्द्र यादवलाई पछि पार्दै अग्रस्थानमा रहेका छन् । करैयामाई नगरपालिका वडा १ र २ को २ हजार ७४ मत गणना गर्दा कुशवाहले ८९५ मत प्राप्त गरेका छन् भने यादवले ७८७ मत प्राप्त गरेका छन् ।
एमालेका पुरुषोत्तम पौडेलले ५२३ मत प्राप्त गरेका छन् भने रास्वपाका रमेश खरेलले भने २३९ मत प्राप्त गरेको निर्वाचन अधिकृतको कार्यालयले जनाएको छ । आइतबार सम्पन्न मतदानमा बारा–२ मा ६८ हजार ८ सय ८६ मत खसेको छ ।
