काठमाडौं । नवनियुक्त अर्थमन्त्री प्रकाश शरण महतले नगद प्रवाह योजना तर्जुमा समिति बनाउने निर्णय गरेका छन् ।
शुक्रबार पद तथा गोपनियताको शपथपछि मन्त्रालयमा पुगेर पदभार ग्रहणपछि सञ्चारकर्मीसँग संक्षिप्त कुराकानी गर्दै उनले सरकारको नगद प्रवाहको विषयमा विश्लेषण गर्न नगद प्रवाह योजना तर्जुमा समिति बनाउने निर्णय गरेका हुन् ।
उनले आर्थिक कार्यविधि तथा वित्तीय उत्तरदायित्व नियमावली २०७७ को व्यवस्था अनुसार नगद प्रवाह योजना तर्जुमा समिति बनाउने पहिलो निर्णय गरेका हुन् ।
साथै, उनले अहिले समस्यामा रहेको अर्थतन्त्रलाई सुधार गरेरै छाड्ने दाबी गरेका छन् ।
‘अर्थतन्त्रको समस्याबाट निकासका लागि सम्पूर्ण राज्य संयन्त्र लाग्नेछ, समस्याग्रस्त अवस्थामा रहेको अर्थतन्त्रलाई सुधार गरेरै छाड्छौं’ उनले भने ।
