काठमाडौं। अब ब्रोकर कम्पनी खोल्नको लागि २० करोड रुपैयाँदेखि डेढ करोड रुपैयाँसम्म चुक्ता पुँजी चाहिने भएको छ । नेपाल धितोपत्र बोर्डले धितोपत्र व्यवसायी (धितोपत्र दलाल तथा व्यापारी) नियमावलीमा चौथो संशोधन गर्दै यस्तो व्यवस्था गरेको हो ।
धितोपत्र दलाल व्यवसायीले गर्ने कामको प्रकृतिको आधारमा न्यूनतम २० करोड रुपैयाँदेखि अधिकतम डेढ अर्बसम्म चुक्ता पुँजी हुुनपर्ने व्यवस्था नियमावली चौथो संशोधनले गरेको हो ।
नियमावलीका ब्रोकर कम्पनीको कार्य क्षमताको आधारमा तीन तहमा विभाजन गरी पुँजीको पनि सोही अनुरुप वर्गीकरण गरिएको हो । नियमावलीले सीमित कार्य गर्ने धितोपत्र दलालको लागि २० करोड, पूर्णकालीन कार्य गर्ने धितोपत्र दलालको लागि ६० करोड र धितोपत्र व्यापारीको लागि डेढ अर्ब चुक्ता पुँजी हुनुपर्ने व्यवस्था गरेको हो ।
नियमावली लागु भएपछि ३० दिनको समय राखी बोर्डले निवेदन माग गर्न सक्ने पनि व्यवस्था नियमावलीमा राखिएको छ । एक साताको बीचमा संशोधन गरिएको नियमावलीमा अब हरेक वर्ष ब्रोकर लाइसेन्स दिने गरी संशोधन हिजो सोमबारको मन्त्री परिषदले गरिसकेको छ ।
यद्यपि बोर्डले भने आज पत्रकारहरूले सो नियमावलीका विषयमा जिज्ञाशा राखेपछि गत साता सोमबार मन्त्री परिषद्ले पारित गरेको नियमावली नै आफ्नो वेव साइटमा राखेको छ । बोर्डले आज प्रकाशित गरेको चौथौ संशोधितमा ३ वर्षपछिमात्रै ब्रोकर लाइसेन्स दिन पाउने व्यवस्था गरेको छ । अबको केहि दिनमे धितोपत्र व्यवसायी नियमावलीको पाँचौ संशोधन आउने छ ।
