काठमाडौं । चन्द्रागिरि हिल्स लिमिटेडले चन्द्रागिरिमा सञ्चालित केबलकार विश्वकै उत्कृष्ट कम्पनीबाट निर्मित केबलकार रहेको बताएको छ ।
आज आयोजना गरेको पत्रकार सम्मेलनमा चन्द्रागिरि हिल्सका अध्यक्ष चन्द्र ढकालले चन्द्रागिरि केबलकार अस्ट्रेलियाको उत्कृष्ट कम्पनी डुपल मेयरबाट निर्माण गरिएको बताएका हुन् ।
‘चन्द्रागिरि केबलकार अस्ट्रेलियाको उत्कृष्ट कम्पनी डुपल मेयरबाट निर्माण गरिएको र यसमा कुनै पनि प्राविधिक समस्या नभएको, बेलाबखत विद्युत् आपूर्तिमा समस्या हुँदा केबलकार रोकिने गरेको हो’, उनले बताए ।
यसरी विद्युत् आपूर्तिमा समस्या हुँदा जेनेरेटर र जेनेरेटरमा पनि समस्या आएमा इमेर्जेन्सी ड्राइभद्वारा उद्धार गर्ने व्यवस्था रहेको उनले बताए ।
यदि केहीगरि लामो समयसम्म केलबकार सञ्चालन हुन नसकेको अवस्थामा कम्पनीले यात्रीहरूका लागि खाने, बस्नेलगायत बस्नको लागि निःशुल्क सुविधा दिने बताएको छ ।
केबलकार विद्युत्बाट संचालन हुने भएकाले कहिलेकाहीं समस्या आउँछ, प्राविधिक समस्यामा बारेमा बुझाई फरक पर्दा चन्द्रागिरि केबलकारका बारेमा भ्रम सिर्जना भएको उनले गुनासो गरे ।
