काठमाडौं । काठमाडौं महानगरको प्रमुखमा स्वतन्त्र उम्मेदवार बालेन साहले ६ हजार ८९३ मतसहित अग्रता कायम गरिरहेका छन् । एमालेका केशव स्थापितले ३ हजार ६४४, कांग्रेसका सिर्जना सिंहले ३ हजार २०८ मत प्राप्त गरेका छन् ।
उपप्रमुखमा एमालेका सुनिता डंगोलले अग्रता कायमै राखेकी छिन्। डंगोलले ६ हजार १७३ मत प्राप्त गर्दा नेकपा (एकीकृत समाजवादी)का रामेश्वर श्रेष्ठ १ हजार ६९० र राप्रपाका बिनिता मगैयाले १ हजार ३१४ मत प्राप्त गरेको निर्वाचन अधिकृतको कार्यालयले जनाएको छ ।
अहिले ३, ४, ५, ३१ र ३२ नं वडाको मत गणना जारी छ । वडा नम्बर १ को वडाध्यक्षमा एमालेका उम्मेदवार भरतलाल श्रेष्ठ विजय भइसकेका छन् ।
