गोरखा । नेपाली कांग्रेस र नेकपा माओवादी कार्यकर्ता बीच झडप हुँदा गोली चलेको छ ।
गोरखाको भीमसेन थापा गाउँपालिका–२ ताराखसे मतदान केन्द्रमा प्रहरीले गोली चलाएको हो ।
नेपाली कांग्रेस र नेकपा माओवादी केन्द्रका कार्यकर्ता बीच भएको झडपलाई नियन्त्रणमा लिन प्रहरीले गोली चलाएको थियो ।
उक्त गोली लागि मतदान केन्द्रमा खटिएकी स्वयंसेविका मनिषा थापा घाइते भएकी छिन् ।
थापाको तिघ्रामा गोली लागेको र उपचारका लागि अस्पताल लगिएको छ ।
झडपलाई नियन्त्रणमा लिन फायर गर्दा थापाको खुट्टामा गोली लागेको प्रहरीले जनाएको छ ।
