काठमाडौं । सरकारले शनिबार र आइतबार दुई दिन सार्वजनिक बिदा दिने निर्णय गरेको छ । योसँगै सेयर कारोबार पनि शनिबार र आइतबार बन्द हुने भएकोले शुक्रबार बजार खुलाउन नेपाल स्टक एक्चेन्जले आजैदेखि गृहकार्य सुरु गरिसकेको नेप्सेका प्रमुख कार्यकारी अधिकृत कृष्ण कार्कीले जानकारी दिए ।
‘आइतबार सार्वजनिक विदा परेकाले अब सेयर बजार पनि आइतबार बन्द गरेर शुक्रबार सञ्चालन गछौं,’ उनले भने ‘जेठ पहिलो साताबाटै शुक्रबार सेयर खु्ल्छ र आइतबार बन्द हुन्छ ।’
अहिले पनि सातामा ५ दिन सेयर बजार सञ्चालन हुने गरेको छ । शुक्रबार पनि कारोबार सञ्चालन गरेर आइतबार बजार बन्द गर्ने तयारी नेप्सेले गरेको हो ।
मंगलबार बसेको मन्त्रीपरिषद् बैठकले जेठ १ गतेदेखि परिक्षणका लागि शनिबार र आइतबार दुई दिन सार्वजनिक बिदा दिने निर्णय गरेको छ ।
