काठमाडौं । गोली लागेर गम्भीर घाइते भएकी कपिलवस्तुस्थित शमशेर दल गण गोरुसिंगे ब्यारेककी महिला सैनिक जवानको आज बिहान मृत्यु भएको छ ।
झापाको गौरहदह नगरपालिका १ की २४ वर्षीया कोपिला राजवंशीको मृत्यु भएको हो ।
उनी केही दिन अघि मात्र गोरुसिंगे ब्यारेकमा शमशेर दल गण सरुवा भएर आएकी थिइन् ।
उनले आफुमाथिनै २ राउण्ड गोली चलाएको कपिलवस्तु प्रहरीले जनाएको छ ।
घाइते राजवंशीलाई उपचारार्थ सेनाको टोलीले बुटवल भैरहवास्थित युनिभर्सल मेडिकल कलेजमा ल्याएको थियो ।
उपचारका क्रममा उनको मृत्यु भएको प्रहरीले जनाएको छ ।
राजवंशीले राति ब्यारेक भित्रको पोस्टमा डियुटीमा रहेको बेला राइफल (एम १६) आफैले आफ्नो पेटमा फायर गरी आत्महत्याको प्रयास गरेको प्रहरीको अनुमान छ ।
