काठमाडौं । अभिनेता पल शाहविरुद्ध जबरजस्ती करणीको आरोप लागेको मुद्दामा नाबालिकाले अदालतमा बयान फेरेकी छिन् ।
जिल्ला अदातल तनहुँमा आफूमाथि बलात्कार नभएको बताउँदै नाबालिकाले बयान फेरेकी हुन् ।
पीडित नाबालिकाले जाहेरीमा उल्लेखित विवरणहरु उक्साहटमा लेखिएको जिकिर गरेकी छिन् ।
स्रोतकाअनुसार पीडित किशोरीले आफूले प्रभाव र दबाबमा आएर आरोप लगाएको बताएकी छन् ।
उनले प्रहरीसँग दिएको बयानमा चाहिँ पलले विभिन्न प्रलोभन देखाएर आफूमाथि पटकपटक जबरजस्ती करणी गरेको बताएकी थिइन् ।
उनका बुबाले ११ फागुनमा जिल्ला प्रहरी कार्यालय, तनहुँमा जबरजस्ती करणीमा किटानी जाहेरी दिएका थिए ।
पल पुर्पक्षका लागि थुनामा छन् । किशोरी पक्षले शाहलाई १२ देखि १४ वर्षसम्म कैद सजायको मागदाबी गरेको छ ।
