काठमाडौं । सशस्त्र प्रहरी महानिरीक्षक (आईजीपी)मा पुष्पराम केसी नियुक्त भएका छन् ।
बुधबार बसेको मन्त्रिपरिषद् बैठकले केसीलाई आईजीपीमा नियुक्त गरेको हो ।
महानिरीक्षक शैलेन्द्र खनालको चार वर्षे कार्यकाल सकेपछि उनकै ब्याचका केसी र रामशरण पौडेल आईजीपीका प्रतिस्पर्धी थिए ।
सरकारले वरियताका आधारमा केसीलाई महानिरीक्षक नियुक्त गरेको हो ।
उमेर हदका कारण केसी २०७९ वैशाख १८ मा अवकाशमा जाँदैछन् । त्यसपछि फेरि नयाँ आईजीपी चयन गर्नुपर्ने हुन्छ ।
